HAQQIMIZDA

BlackGarden yerli və beynəlxalq biznes birləşmələri və qoşulmaları, sərmayelər, biznesin yenidən təşkil olunması, korporativ qanunvericilik və vergi sahələrində ixtisaslaşan və qlobal sərmaye cəmiyyətində geniş əlaqələrə malik olan konsaltinq firmasıdır.

BlackGarden firması investisiyalar və digər korporativ əqdlərdə böyük təcrübəyə malik olan peşəkarlar tərəfindən yaradılıbdır. Bizim təcrübəmiz ümumi korporativ hüquq məsələlərini, sərmayeləri, birləşmə və qoşulma, habelə iqtisadiyyatın müxtəlif sektorlarında kapitalın cəlb olunmasını və maliyyə restrukturizasiyasını əhatə edir.

Missiyamız sahibkarlara və şirkətlərin idarəetmə komandalarına onlara məxsus biznes layihələrinin uğurlu icrasına köməklik göstərməkdir. Biz gördüyümüz işi sevirik və müştərilərimizin biznes fəaliyyətindəki qəliz məsələlərinin effektiv və düzgün həlli, planlaşdırılması və hazırlaşması istiqamətində göstərdiyimiz dəstəyə görə məmnunuq.

Şirkətin satışı, satın alınması, yenidən təşkil olunması və ya ona sərmayenin qoyulması bütün səhmdarların, rəhbərlərin, işçilərin və onların ailələrinin həyatına təsir edə biləcək bir hadisədir. Çox vaxt bu, strateji alıcının və ya maliyyə tərəfdaşının axtarışını, təcrübəli investorlarla danışıqların aparılmasını və sövdələşmənin mümkün olan ən yaxşı şərtlərlə hazırlanmasını tələb edən mürəkkəb prosesdir. Komandamız çoxsaylı investisiya və satınalma layihələrini uğurla tamamlamışdır və müxtəlif industriyalardan olan müştərilərlə əməkdaşlıq ediblər.